Nýtt blogg

Ákvað að færa mig hingað yfir á nýtt blogg. Það virðist vera vaninn með þessar bloggsíður að skipta þeim reglulega. Þetta blogg er alveg mjög fínt, hefur innbyggðan villupúka og læti. Svo virðist vera nokkuð einfalt myndakerfi og þess háttar. Það er vonandi að þetta rætist allt saman. Ætla að reyna að færa smá dugnað í þetta bloggerý aftur, líklega kominn tími til.

Skilaði B.A. ritgerðinni minni síðasta föstudag og ekki laust við að það sé léttir. Vonandi rætist það allt saman og stefni ég ótrauður á útskrift núna í febrúar.

Sumarið kemur núna á næstunni og hefur í för með sér helling af spurningamerkjum. Það kemur allt saman í ljós hvernig það fer þegar nær dregur.

Það er að vakna hjá mér löngun til að hreyfa mig eitthvað eilítið meira en venjulega. Það væri gaman að komast eitthvað aftur í körfubolta þó að það sé ástæðan fyrir að ökklinn á mér hafi farið í ruglið hérna síðasta sumar. Ég virðist reyndar ennþá finna einhvern sársauka þar, en hann kemur þó og fer hlýtur að lagast þegar á líður. Einhver til í einhverja hreyfingu?

 

Skemmtið ykkur